1-ಕನ್ನಡ ಪದಗೊಳು.
ಕನ್ನಡವೇ ಸತ್ಯ | ಜಿ.ಪಿ. ರಾಜರತ್ನಂ

ಯೆಂಡ ಯೆಡ್ತಿ ಕನ್ನಡ್ ಪದಗೊಳ್
ಅಂದ್ರೆ ರತ್ನಂಗ್ ಪ್ರಾಣ!
ಬುಂಡೇನ್ ಎತ್ತಿ ಕುಡದ್ಬುಟ್ಟಾಂಡೆದ್ರೆ-
ತಕ್ಕೊ! ಪದಗೊಳ್ ಬಾಣ!
ಬಗವಂತ್ ಏನ್ರ ಬೂಮೀಗ್ ಇಳದು
ನನ್ ತಾಕ್ ಬಂದಾಂತ್ ಅನ್ನು;
ಪರ್ ಗಿರೀಕ್ಸೆ ಮಾಡ್ತಾನ್ ಔನು-
ಬಕ್ತನ್ ಮೇಲ್ ಔನ್ ಕಣ್ಣು!
'ಯೆಂಡ ಕುಡಿಯಾದ್ ಬುಟ್ ಬುಡ್ ರತ್ನ!'
ಅಂತ್ ಔನ್ ಏನಾರ್ ಅಂದ್ರೆ-
ಮೂಗ್ ಮೂರ್ ಚೂರಾಗ್ ಮುರಸ್ಕೋಂತೀನಿ
ದೇವರ್ ಮಾತ್ಗ್ ಅಡ್ಬಂದ್ರೆ!
'ಯೆಂಡ ಬುಟ್ಟೆ. ಯೆಡ್ತೀನ್ ಬುಟ್ ಬುಡ್!'
ಅಂತ್ ಔನ್ ಏನಾರ್ ಅಂದ್ರೆ-
ಕಳದೋಯ್ತ್ ಅಂತ ಕುಣದಾಡ್ತೀನಿ
ದೊಡ್ಡ್ ಒಂದ್ ಕಾಟ! ತೊಂದ್ರೆ!
'ಕನ್ನಡ ಪದಗೊಳ್ ಆಡೋದ್ನೆಲ್ಲ
ನಿಲ್ಲೀಸ್ ಬುಡಬೇಕ್ ರತ್ನ!'
ಅಂತ್ ಔನ್ ಅಂದ್ರೆ - ದೇವ್ರ್ ಆದ್ರ್ ಏನು!
ಮಾಡ್ತೀನ್ ಔನ್ಗೆ ಖತ್ನ!
ಆಗ್ನೆ ಮಾಡೋ ಐಗೋಳ್ ಎಲ್ಲಾ
ದೇವ್ರೆ ಆಗ್ಲಿ - ಎಲ್ಲ!
ಕನ್ನಡ್ ಸುದ್ದೀಗ್ ಏನ್ರ ಬಂದ್ರೆ
ಮಾನಾ ಉಳಸಾಕಿಲ್ಲ!
ನರಕಕ್ಕ್ ಇಳ್ಸಿ ನಾಲ್ಗೆ ಸೀಳ್ಸಿ
ಬಾಯ್ ಒಲಿಸಾಕಿದ್ರೂನೆ-
ಮೂಗ್ನಲ್ ಕನ್ನಡ್ ಪದವಾಡ್ತೀನಿ!
ನನ್ ಮನಸನ್ನ್ ನೀ ಕಾಣೆ!
ಯೆಂಡ ಓಗ್ಲಿ! ಯೆಡ್ತಿ ಓಗ್ಲಿ!
ಎಲ್ಲಾ ಕೊಚ್ಕೊಂಡ್ ಓಗ್ಲಿ!
ಪರ್ಪಂಚ್ ಇರೋ ತನಕ ಮುಂದೆ
ಕನ್ನಡ್ ಪದಗೊಳ್ ನುಗ್ಲಿ!
_____________________________________________
2-ಯೆಂಡ ಮುಟ್ಟ್ದಾಗ್ಲೆಲ್ಲ ನಂಗೆ - ಜಿ.ಪಿ. ರಾಜರತ್ನಂ
ಗಾಯನ: ರಾಜು ಅನಂತಸ್ವಾಮಿ

ಯೆಂಡ ಮುಟ್ಟ್ದಾಗ್ಲೆಲ್ಲ ನಂಗೆ
ಏನೋ ಕುಸಿ ಆಗ್ತೈತೆ
ಕುಡ್ಕನ್ ಮಾತಂದ್ರಂಗೆ
ಅಲ್ಲ ನಿಗಾ ಉಕ್ಕ್ ಬರ್ತೈತೆ

ಈಚಲ್ ಮರ್ದಲ್ ಮಲ್ಗಿದ್ ಯೆಂಡ
ಕಟ್ಟಿದ್ ಮಡಿಕೆಗರ್ದು
ಭಾರಿ ಪೀಪಾಯ್ನಾಗಿಳ್ಕೊಂಡಿ
ತುಂಬ್ಕೊಂತೈತೆ ಸುರ್ದು

ಅಲ್ಲಿಂದ್ ಇಲ್ಗೆ ಇಲ್ಲಿಂದ್ ಅಲ್ಗೆ
ಪೀಪಾಯ್ನಲ್ಲ್ ಉರ್ಳಾಡಿ
ಕುಡ್ದಂಗುಂಡೇಲ್ ಉಟ್ಟ್ಕೊಂತೈತೆ
ಎಂತ ಜನ್ಮ ನೋಡು

ರಬ್ಬರ್ ಕಣಂಗ್ ಅಲ್ಲಿಂದ್ ಇಲ್ಲಿಗೆ
ಯೆಂಡ ಉರ್ಳಾಡ್ತಿದ್ದು
ಕೊನೆಯಾಗ್ ಸಾಂತಿ ಕಂಡ್ಕೊಂತೈತೆ
ಕುಡ್ಕನ್ ಹೊಟ್ಯಾಗ್ ಬಿದ್ದು

ಸಿಕ್ಕಿದ್ದೆ ಆ ತಬ್ಬಿದ್ ಕೊಂಡಿ
ಆತ್ಮ ಅಲಿಯೋಯಂಗೆ
ಯೆಂಡ ಅಲ್ದಿದ್ ನೆಪ್ ಮಾಡ್ಕೊಂಡ್ರೆ
ಮೈ ಝುಮ್ಮಂತೈತ್ ನಂಗೆ

ಬ್ರಹ್ಮ ಅನ್ನೊ ಅದ್ರಲ್
ಆತ್ಮ ಬೆರ್ಕೊಂಡೋಗೋವಂಗೆ
ಬೆಸ್ಕೊಂತೈತೆ ಮೈನಾಗ್ ಯೆಂಡ
ಗುರ್ತೆ ಗೊತ್ತಾಗ್ದಂಗೆ

ಯೆಂಡ ಮುಟ್ಟ್ದಾಗ್ಲೆಲ್ಲ ನಂಗೆ
ಏನೊ ಕುಸಿ ಆಗ್ತೈತೆ
ಕುಸಿ ಕಾರ್ಣ ಗೊತ್ತಾಯ್ತೀಗ
ಕುಣಿಯೊವಂಗಾಯ್ತೈತೆ
_________________________________________
3-ಕೈಯ್ಯಾದ್ ಔಸ್ದಿ ಕುಡ್ದೊವ್ನಂಗೆ - ಜಿ.ಪಿ. ರಾಜರತ್ನಂ
ಆಲ್ಬಂ: ಬ್ರಹ್ಮ ನಿಂಗೆ ಜೋಡುಸ್ತೀನಿ
ಗಾಯನ: ರಾಜು ಅನಂತಸ್ವಾಮಿ

ಕೈಯ್ಯಾದ್ ಔಸ್ದಿ ಕುಡ್ದೊವ್ನಂಗೆ
ಮೊಕಾನ್ ಯಾಕ್ ಸಿಂಡರ್ಸ್ತಿ
ನಿಂಗೊಂದ್ ದುಕ್ಕ ಬಂದಿದ್ರ
ಅದನ ನಂಗಳ್ ಮುಂದ್ಯಾಕಿರ್ಸ್ತಿ
ನಂಗ್ಯಾಕ್ ದುಕ್ಕ ತರ್ಸ್ತಿ
ಮುಕ್ದಾಗ್ ಸೋನೆ ಹಿಡ್ಕೊಂಡಂಗೆ
ಗೋಳ್ಯಾಕ್ ಸುಮ್ಕೆ ಸುರ್ಸ್ತಿ

ದುಖಾನ್ ಹೊತ್ತ್ಕೊಂಡ್ ಬಂದೊರ್ ನಾವು
ಹೊತ್ಕೊಂಡ್ ಹೋಗೊರ್ ನಾವು
ಸಿಕ್ದೊರ್ ಹತ್ರ ಹೇಳ್ಕೊಂಡಾಗ್ನೆ
ಆರೋಗ್ತೈತ ಕಾವು
ಸಾಯ್ತದೆ ನೀ ಆಗು
ಹಾರೊಕಿಲ್ಲ ಸಾಯೊಕಿಲ್ಲ
ಆರ್ತಿ ಸಾಯ್ಸೊರ್ ನಾವು
ನಂ ನಂ ದುಕ್ಕ ನಂ ನಂಗೇನೆ
ಬರ್ಲಾರ್ದಷ್ಟಷ್ಟೈತೆ
ಜತೆಗ್ ನಿಂದು ಇರ್ಲಂತಂದ್ರು ಅದಿಂದೆನಾಗ್ತೈತೆ
ಏನ್ ಬಂದಂಗಾಯ್ತೈತೆ ಅವ್ರಿವ್ ಹತ್ರ ಅತ್ರೆ ನಿಂಗೆ
ದುಕ್ಕ್ಯೇನ್ ಕಂಯಾಗ್ತೈತೆ

ನಂ ನಂ ದುಕ್ಕಾ
ಸಿಕ್ದೋರ್ ಹತ್ರ ಮಾಡ್ತ ಇದ್ದ್ರೆ ಮಾಜರ್
ಕೇಳೊರ್ ಎದ್ರ ಇರಗಂಟ್ಲುನೇ ದುಕ್ಕ ಗೇರ್ ಹಜರ್
ನಾವೆ ದೊರೆಗಳ್ ರಾಜರ್
ಕೇಳೊರೇನ್ರ ಅಂಗೋಯ್ತಂದ್ರೆ
ತಕೊ ದುಕ್ಕ ಆಜರ್

ದುಕ್ಕ ಗಿಕ್ಕ ಎಲ್ಲ ನೋಡು
ನಂ ನಂ ಮನ್ಸಿದ್ದಂಗೆ
ಮನ್ಸಿನ್ ಲಗಾಮ್ ನಂ ಕೈಲಿದ್ರೆ
ಇಲ್ಲ್ದಿದ್ ಇರೊವಂಗೆ
ಇರೊದ್ ಇಲ್ಲ್ದಿದಂಗೆ
ಹೆಂಡ ಕುಡೊದವ್ನ ಮಾತನ್ ಕೇಳಿ
ನಗ್ಬೇಡೊ ಅಯ್ಯೊ ಪೆಂಗೆ

ದುಕ್ಕ ಇದ್ದ್ರೆ ಇರ್ತಂತೇಳು
ಸಂತೋಸಾನ ಕಳ್ಸೊ
ಮಾರೆ ಮೇಗಿನ್ ಇಷ್ಟೆದಿಂದ
ದುಕ್ಕದ್ ಕತ್ತ್ ಹಿಡ್ ತಳ್ಸು
ನಗಿನ್ ಪರ್ದೆ ಬೀಳ್ಸು
ಇಂಗೆ ದುಕ್ಕ ತಬ್ಕೊನ್ ಮಾರಿ
ಅರ್ಧಕ್ಕ್ ಒರ್ಸೆ ಇಳ್ಸು
______________________________________________
4-ಏ ಬೇವರ್ಸಿ ನಿನ್ ಯೆಸ್ರು ನೆಪ್ಗೇನೆ ಬರ್ದು - ಜಿ.ಪಿ. ರಾಜರತ್ನಂ
ಏ ಬೇವರ್ಸಿ ನಿನ್ ಯೆಸ್ರು ನೆಪ್ಗೇನೆ ಬರ್ದು
ಹೆಂಡ್ಕುಡ್ಕ್ರು ಏನಂದ್ರು ಕ್ವಾಪ ಮಾಡ್ಬಾರ್ದು
ಇಷ್ಟ್ಕೂನು ಕೂಗಿದ್ರೆ ಓ ಅಂತ್ ನೀ ಅಂದ್ರೆ
ಏಂಗಾನ ಕೂಗಿದ್ರೆ ಎನೈತ್ ನಿಂಗ್ ತೊಂದ್ರೆ

ನೀನೂನೇ ಬಾಳ್ ದಿವ್ಸ ತಸ್ತಿತಕ್ಕಣ್ಡಿ
ನನ್ ಜತೆ ಬಲ್ಲಲ್ಲ್ದೆ ನನ್ ಆಡ್ ಬರ್ಕಂಡಿ
ಅಷ್ಟಲ್ಲದೆ ಯೇಳ್ತಾರ ದೊಡ್ಡ್ ದೊಡ್ಡೊರೆಲ್ಲ
ಕಷ್ಟ ಪಡದೆ ಗಿಟ್ತೀಯ ದೊಡ್ಡಾನೆ ಅಲ್ಲ

ಲೋಕಾನೆ ಉಚ್ಚುಚ್ಚು ಇಂದಿಂದಂಗಿಲ್ಲ
ಒಸ್ತಾಗ್ದೆ ಏಳ್ತಾರೆ ಈಗ್ನೊರು ಮಲ್ಲ
ಯಾರಾನ ಕೇಳ್ದೊರು ಪದಗೊಳ್ ಚಂದಂದ್ರೆ
ಮಸ್ತಾಗ್ ನಾನಾಗ್ತೀನಿ ನೀ ತಿರ್ಗಿ ಬಂದ್ರೆ
ಸುಮ್ಸುಮ್ಕೇನೆ ನಂಗಂತೀಯ ಜಂಬದ್ ಕೋಳಿ ಅಂತ - ಜಿ.ಪಿ. ರಾಜರತ್ನಂ

ಸುಮ್ಸುಮ್ಕೇನೆ ನಂಗಂತೀಯ ಜಂಬದ್ ಕೋಳಿ ಅಂತ
ಮನ್ಸನ್ ಮನ್ಸನ್ ನೋಡ್ದೇ ಸುಮ್ಕೆ ಸಿಕ್ದಂಗ್ ಅಂದ್ರೆ ಬಂತ
ತಿಳಿದೊರ್ ಇರ್ತ್ರೊರ್ ಒಗ್ಳೋರ್ಕೆಲ್ಲ ಕುಲದಾಡ್ತ್ರೊ ಬಿದ್ದಿ
ತಿಳಿದೊರ್ ಎಕ್ಕ್ಡ ಮಂಡೇಲ್ ಮಡ್ಗಿ ಕಲಿತೀನ್ ಒಸಿ ಬುದ್ಧಿ

ಕುಡಿಯೊನ್ ನಾನು ಆಡೊನ್ ನಾನಾ ಮೂಳೆ ಮಾಂಸದ ಕಂಬ
ಯೆಂಡ ಕುಣ್ಕೊಣ್ ಆಡಿಸ್ತಿದ್ದ್ರೆ ನಂಗ್ಯಾಕಣ್ಣ ಜಂಬ
ಸೂತ್ರದ್ ಗೊಂಬೆ ಇದ್ದಂಗಿವ್ನಿ ಯೆಂಡದ್ ಕೈಲಿ ನಾನು
ಯೆಂಗಾಡ್ ಅಂದ್ರೆ ಅಂಗಾಡ್ಬೇಕು ನಂಗೀ ಜಂಬ್ದಿಂದೇನು

ಮೈಯನ್ ತುಂಬ ತುಂಬ್ಕೊಂಡೈತೆ ಆಡ್ಸೊ ಯೆಂಡದ್ ಮತ್ತು
ಜಂಬ ಗಿಂಬ ಅನ್ನೊದ್ಕೆಲ್ಲ ಜಾಗ ಎಲ್ಲಿಂದ್ ಬತ್ತು
ಲೋಕಕುಣ್ಕೊಣ್ಡ್ ಅಂಗೆ ಕುಣ್ತಿ ಸಿಕ್ದಂಗ್ ಆಡೊಕ್ ಬತ್ತು
ಕಣ್ ಬಿಟ್ಟ್ಕೊಂಡಿ ಅತಿರ್ ಕೋಗಿ ತಿಳಿಯೊ ಗುಟ್ಟೆಲ್ಲ್ ಬತ್ತು

ಲೋಕದ್ ಚಾನೆ ಇಂಗೈತೆಂತ ಕಂಡೆ ಆದೆ ಆದು
ಅದ್ರು ಏನೊ ಕುಡ್ದೊನ್ ಚಪ್ಲ ಏಳೊದ್ ಎಳ್ಬಿಡಾದು
ಯೆಂಡ ಕುಡ್ದೊನ್ ಕಂತೆಂತೇಳಿ ಮೂಲೆಗ್ ಇದ್ದನ್ ಆಕ್ಬಾರ್ದು
ಮನ್ಸನ್ ಜೀವ ತಿಳ್ಕೊಳ್ದೆನೆ ಸುಮ್ಕೆ ನೋಯಿಸ್ಬಾರ್ದು
__________________________________________
6-ನನಗೂನೆ ಯೆಂಡಕ್ಕು ಬಲ್ ಬಲೆ ದೋಸ್ತಿ - ಜಿ.ಪಿ. ರಾಜರತ್ನಂ

ಕವನ ಸಂಕಲನ - ರತ್ನನ ಪದಗಳು.

ನನಗೂನೆ ಯೆಂಡಕ್ಕು ಬಲ್ ಬಲೆ ದೋಸ್ತಿ.
ಕುಡದ್ ಬುಟ್ಟಾಗ್ ಆಡೋದು ನಂಗ್ ಪೂರ ಜಾಸ್ತಿ.
ನಂಗ್ ಎಸರು ಯೇಳ್ತಾರೆ - ರ್ರರ್ರರ್ರರ್ರತ್ನ.
ನಾನ್ ಆಡೋ ಪದಗೋಳು ಯೆಂಡದ್ ಪ್ರಯತ್ನ.

ಮಾಬಾರ್ತ ಬರೆಯಾಕೆ ಯಾಸಂಗ್ ಇನಾಯ್ಕ
ಸಿಕ್ದಂಗೆ ನಂಗ್ ಒಬ್ಬ ಬೇವಾರ್ಸಿನಾಯ್ಕ
ಸಿಕ್ಕೋನೆ, ನನ್ ಆಡ್ನ ಕೂಡಿಸ್ದ ಬರ್ದು!
ಏನ್ ಐತೊ ಯಾರ್ ಬಲ್ರು ಔಂಗ್ ಇರೊ ದರ್ದು!

'ಬರಕೊಂಡ್ರೆ ಬರಕೊಂಡ್ ಓಗ್, ನಿಂಗೂನೆ ಐಲು;
ಆದಸ್ಟೂ ಮಾಡಾನೆ ಸಾಯ ನಂಕೈಲು'
ಅಂದ್ಕಂಡ್ ಔನ್ ಬರದಿದ್ನ ಅಚ್ಗ್ ಆಕೋಕ್ ಒಪ್ಪಿ
ಕಳಿಸಿವ್ನಿ. ಬೈದೀರ ನನಗೇನ್ರ ತಪ್ಪಿ!

ಅಕ್ಸಾರ ಗಿಕ್ಸಾರ ನನಗೇನೂ ಬರ್‍ದು.
(ದೊಡ್ ಚಾಕ್ರಿ ಬೇಕಂದ್ರೆ ಓದೆ ಬೇಕು ದರ್ದು!)
ಪದಗೋಳು ಚಂದ್ ಇದ್ರೆ ಯೆಂಡಕ್ ಸಿಪಾರ್ಸಿ!
ಚಂದಾಗ್ ಇಲ್ದಿದ್ರನಕ ತಪ್ಗೆ ಬೇವಾರ್ಸಿ!
_______________________________________________
7-ಕುಡಕರ್ ಮಾತ್ವ - ಜಿ.ಪಿ. ರಾಜರತ್ನಂ

ಕುಡಕರ್ ಮಾತ್ವ ತಿಳಿಕೊಳ್ದೇನೆ
ನೂಕ್ಬಾರ್ದ್ ಔರ್ನ ಕೆಳಗೆ;
ಯಾವ್ ಚಿಪ್ನಾಗ್ ಮುತ್ತ್ ಐತೊ-
ಒಡದ್ ನೋಡ್ಬೇಕ್ ಒಳಗೆ!

ಕೊಚ್ಚೆ ನೀರೀನ್ ಸೋದೀಸ್ತ್ ಅಂದ್ರೆ
ಸಿಕ್ಕೋಕಿಲ್ವ ಗಂಗೆ?
ಸಾಜಾ ಯೇಳೋನ್ ಯಾರಾದ್ರೇನು?
ಸತ್ಯ ಕಣ್ ಕಂಡೌಂಗೆ!

ಆರ್ತ್ ಇಲ್ಲಾಂತ್ ನೆಗಬೇಡಾಣ್ಣ
ನಾಕುಡದಾಡೋ ಮಟ್ಟು!
ಕುಡಕನ್ ಪದಗೊಳ್ ಒಕ್ಕ್ ನೋಡಿದ್ರೆ
ಮಸ್ತಾಗ್ ಅವೆ ಗುಟ್ಟು!

'ರವ್ವಿ ಕಾಣದ್ ಕವಿ ಕಂಡ'
ಅಂದ್ರೆ ಕವಿಗೊಳ್ ತತ್ವ-
'ಕವ್ವಿ ಕಾಣದ್ ಕುಡಕ ಕಂಡ'
ಅನ್ನೊದ್ ಕುಡಕರ್ ಮಾತ್ವ!
________________________________________
8-ರತ್ನನ್ ಪದ - ಜಿ.ಪಿ. ರಾಜರತ್ನಂ
ಲೇ ಬ್ಯಾವರ್ಸಿ ನನ್ ಪುಟ್ನಂಜಿ ನ ರೂಪನಾಡ್ತಿನ್ ಬಾಪ
ನನ್ಗಾಗಾಗ್ಗಿ ಹಾಡಿಸ್ತೈತೆ ನನ್ ಪುಟ್ನಂಜಿ ರೂಪ (2)
ಹಾಲ್ನಲ್ ಕಮಲ್ದು ತೇಲ್ಬುಟ್ಟಿ ಮೇಲೊಂದ್ ತೆಳ್ಲ್ನೇ ಲೇಪ
ಚಿನ್ನದ ನೀರ್ನಲ್ ಕೊಟ್ಟಂಗೈತೆ ನನ್ ಪುಟ್ನಂಜಿ ರೂಪ
ಆಮಸ್ಯೆ ಲಿ ಹತ್ತಿಸ್ದಂಗೆ ಒಂದತ್ನೂರ್ ಮತಾಪ (2)
ಬೆಳ್ಕಾಗ್ತೈತೆ ಕಂಡ್ರೆ ನಂಗೆ ನನ್ ಪುಟ್ನಂಜಿ ರೂಪ ||ಲೇ||

ಬಟ್ಟೆ ಕಪ್ಪಿನ್ ತೊಳ್ಯಕ್ ನಾವು ಹೆಂಗಾಕ್ತಿವಿ ಸೋಪ (2)
ಮನ್ಸಿನ್ ಕೆಟ್ಭಾವ್ನೆಗಳ್ಗೆ ನನ್ ಪುಟ್ನಂಜಿ ರೂಪ
ದೇವರ್ತಾಕ್ ನಾನ್ ಒಯ್ಯಕ್ಕಿಲ್ಲ ಹಣ್ಣು ಕಾಯಿ ಧೂಪ
ದೇವರ್ಗೆಹಣ್ಣ್ಕಾಯಿ ಧೂಪ ಎಲ್ಲ ನನ್ ಪುಟ್ನಂಜಿ ರೂಪ ||ಲೇ||

ಚಿನ್ನದ ಭರಣಿಲ ತುಂಬಿಟ್ಟಂಗೆ ಹಾಲು ಸಕ್ರೆ ತುಪ್ಪ ( 2)
ಒಳ್ಳೆ ಗುಣಗಳ್ಗೊರ್ತೈತೆ ನನ್ ಪುಟ್ನಂಜಿ ರೂಪ
ಪುಟ್ನಂಜಿ ಕೈ ಹಿಡ್ದೋನು ನೀನೆ ಭಲೇ ಭೂಪ ( 2 )
ಅಂತ ನಂಗೆ ಬೆನ್ನ್ ತಟ್ತೈತೆ ನನ್ ಪುಟ್ನಂಜಿ ರೂಪ

ದೇವಸ್ತಾನ್ದಾಗೆನ್ಗಿರ್ತಿತೆ ಚಿನ್ನದ ನಂದಾ ದೀಪ ( 2 )
ಹಂಗ್ ನನ್ ಹಟ್ಟಿನ ಬೆಳ್ಗಿಸ್ತೈತೆ ನನ್ ಪುಟ್ನಂಜಿ ರೂಪ
ಇದನ್ ಕೇಳ್ದೋರ್ ಯಾರರ ಇವ್ನೋಬ್ಬುಚ್ಚ ಪಾಪ ( 2 )
ಅಂದೊರಿಗ್ ಅಯ್ಯೋ ಪಾಪ ಅಂತೈತೆ ನನ್ ಪುಟ್ನಂಜಿ ರೂಪ ||ಲೇ||
_____________________________________
9- FILM-A (1998) - ಹೇಳ್ಕೊಳ್ಳೋಕ್ ಒಂದ್ ಊರು

ಸಾಹಿತ್ಯ: ಜಿ. ಪಿ. ರಾಜರತ್ನಂ
ಸಂಗೀತ: ಗುರುಕಿರಣ್
ಗಾಯನ: ಎಲ್. ಎನ್. ಶಾಸ್ತ್ರಿ

ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ

ಚಾಂದಿನಿss, ಚಾಂದಿನಿss

ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ -|೨|

ಏನೋ ಖುಸಿಯಾದಾಗ
ಮತ್ ಹೆಚ್ಚಿ ಹೋದಾಗ
ಹಂಗೇನೆ ಪ್ರಪಂಚದಂಚ
ತೋಟ್ದಲ್ಲಿ ಹಾರಾಡ್ತಾ
ಕನ್ನಡದಲ್ ಪದವಾಡ್ತಾ
ಹಿಗ್ಗೋದು ರತ್ನಂಪ್ರಪಂಚ
ಹಿಗ್ಗೋದು ರತ್ನಂಪ್ರಪಂಚ
ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ

ಹಗಲೆಲ್ಲ ಬೆವರ್ ಹರಿಸಿ
ತಂದಿದ್ದ್ರಲ್ಲಿ ಒಸಿ ಮುರಿಸಿ
ಸಂಜೆಲಿ ಹಿಳಿ ಹೆಂಡ ಕೊಂಚ
ಇತ್ತ ಮೈ ಝುಂ ಅಂದ್ರೆ
ವಾಸನೆ ಘಂ ಘಂ ಅಂದ್ರೆ
ತುಂಬ್ ಹೋಯ್ತು ರತ್ನಂಪ್ರಪಂಚ
ತುಂಬ್ ಹೋಯ್ತು ರತ್ನಂಪ್ರಪಂಚ
ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ

ಲೂಕ್ ಇಲ್ಲ ಗಾಲ್ ಇಲ್ಲ
ನಮಗದ್ರಾಗ್ ಪಾಲಿಲ್ಲ
ನಾವ್ ಕಂಡಿದ್ದ್ ನಾಲ್ಕ್ಅಂಚವಂಚ
ನಮ್ಮಷ್ಟಕ್ ನಾವಾಗಿ ಇದ್ದಿದ್ದ್ರಲ್ ಹಾಯಾಗಿ
ಬಾಳೋದು ರತ್ನಂಪ್ರಪಂಚ
ಬಾಳೋದು ರತ್ನಂಪ್ರಪಂಚ
ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ

ಚಾಂದಿನಿss, ಚಾಂದಿನಿss

ದೇವ್ರಿಂದ್ರೆ ಕೊಡಲಣ್ನ ಕೊಡ್ದಿದ್ದ್ರೆ ಬುಡಲಣ್ಣ
ನಾವೆಲ್ಲ ಅವನೀಗೆ ಬಚ್ಚಾ
ಅವನ್ಹಾಕಿದ್ ತಾಳ್ದಂಗೆ, ಕಣ್ ಮುಚ್ಕೊಂಡ್ ಹೇಳ್ದಂಗೆ
ಕುಣೀಯಾದೆ ರತ್ನಂಪ್ರಪಂಚ
ಕುಣೀಯಾದೆ ರತ್ನಂಪ್ರಪಂಚ
ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ

ಹೇಳ್ಕೊಳ್ಳಕ್ ಒಂದ್ ಊರು,
ತಲೆ ಮ್ಯಾಗೆ ಒಂದ್ ಸೂರು,
ಮಲ್ಗಾಕೆ ಭೂಮ್ ತಾಯಿ ಮಂಚ
ಕೈ ಹಿಡ್ದೊಳ್ ಪುಟ್ನಂಜಿ,
ನಗನಗ್ತಾ ಉಪ್ಪ್ ಗಂಜಿ,
ಕೊಟ್ರಾಯಿತು ರತ್ನಂಪ್ರಪಂಚ
--------------------------------------------
10-ಚಡ್ಡಿ ಗಿಡ್ಡಿ - ಜಿ.ಪಿ.ರಾಜರತ್ನಂ-ಬಾಲವನ

ಚಡ್ಡಿ ಗಿಡ್ಡಿ ಹಾಕಿಕೊಂಡು
ಕುದುರೆ ಮೇಲೆ ಕುಳಿತುಕೊಂಡು
ಲಗಾಮು ಹಿಡಿದುಕೊಂಡು
ಹೈ ಹೈ ಹೈ

ಲಂಗ ಗಿಂಗ ಹಾಕಿಕೊಂಡು
ಕುದುರೆ ಮೇಲೆ ಕುಳಿತುಕೊಂಡು
ಅಣ್ಣನ ಸೊಂಟ ಹಿಡಿದುಕೊಂಡು
ಹೈ ಹೈ ಹೈ

ಕಂದು ಬಣ್ಣ ನಮ್ಮ ಕುದುರೆ
ಗಾಳಿ ಹಾಗೆ ಓಡೊ ಕುದುರೆ
ನಮ್ಮ ಕುದುರೆ ನಮ್ಮ ಕುದುರೆ
ಹೈ ಹೈ ಹೈ

ಕುದುರೆ ಮೇಲೆ ಕುಳಿತುಕೊಂಡು
ಅದ್ರ ಬೆನ್ನ ತಟ್ಟಿಕೊಂಡು
ಅಲ್ಲಿ ಇಲ್ಲಿ ಸುತ್ತಿಕೊಂಡು
ಹೈ ಹೈ ಹೈ

ಕುದುರೆ ಮೇಲೆ ಕುಳಿತುಕೊಂಡು
ಹಳ್ಳಾ ಗಿಳ್ಳಾ ಹಾರಿಕೊಂಡು
ಮಲ್ಲಿಗೆ ದಂಡು ಸೇರಿಕೊಂಡು
ಹೈ ಹೈ ಹೈ

ಕುದುರೆ ಮೈಯ್ಯ ಸವರಿ ತಟ್ಟಿ
ಹುರ್ಳಿ ಹಿರ್ಳಿ ತಂದುಕೊಟ್ಟು ಹೇ ಹೇ
ಸಾಕುವೆವು ನಮ್ಮ ತಟ್ಟು
ಹೆಂಗಸ್ರವ್ರೆ - ಜಿ.ಪಿ.ರಾಜರತ್ನಂ

ಹೆಂಗಸ್ರವ್ರೆ ಹೂವ್ವಿದಂಗೆ
ನಲ್ಗಿಸ್ಬಾರ್ದು ಅವ್ರನ್ನು

ಒಂದು ಚೋಟುದ್ದ ಹೂವಂತದ್ನ ಒದ್ದು
ನಿಂತ್ರೆ ಉದ್ದಾರಾದ್ನಾ
-----------------------------------------------------
11-ಬಣ್ಣದ ತಗಡಿನ ತುತ್ತೂರಿ - ಜಿ.ಪಿ.ರಾಜರತ್ನಂ- ಬಾಲವನ
ಬಣ್ಣದ ತಗಡಿನ ತುತ್ತೂರಿ
ಕಾಸಿಗೆ ಕೊಂಡನು ಕಸ್ತೂರಿ
ಸರಿಗಮಪದನಿಸ ಊದಿದನು
ಸನಿದಪಮಗರಿಸ ಊದಿದನು

ತನಗೆ ತುತ್ತೂರಿ ಇದೆಯೆಂದು ಬೆರಾರಿಗು ಅದು ಇಲ್ಲೆಂದ
ತುತ್ತುರಿ ಊದಿದ ಕೊಳದ ಬಳಿ ಕಸ್ತುರಿ ನಡದನು ಬೀದೆಯಲಿ
ಜಂಬದ ಕೋಳಿಯ ರೀತಿಯಲಿ

ಜಾರಿತು ನೀರಿಗೆ ತುತ್ತೂರಿ ಗಂಟಲು ಕಟ್ಟಿತು ನೀರೂರಿ
ಸರಿಗಮ ಊದಲು ನೋಡಿದನು ಗಗಗಗ ಸದ್ದನು ಮಾಡಿದನು
ಬಣ್ಣವು ನೀರಿನ ಪಾಲಾಯ್ತು ಜಂಬದಕೋಳಿಗೆ ಗೋಳಾಯ್ತು
--------------------------------------------------------
12-ನಾಯಿಮರಿ ನಾಯಿಮರಿ ತಿಂಡಿ ಬೇಕೆ - ಜಿ.ಪಿ.ರಾಜರತ್ನಂ-ಬಾಲವನ
ನಾಯಿಮರಿ ನಾಯಿಮರಿ ತಿಂಡಿ ಬೇಕೆ
ತಿಂಡಿ ಬೇಕು ತೀರ್ಥ ಬೇಕು ಎಲ್ಲ ಬೇಕು

ನಾಯಿಮರಿ ನಿನಗೆ ತಿಂಡಿ ಏಕೆ ಬೇಕು
ತಿಂದು ಗಟ್ಟಿಯಾಗಿ ಮನೆಯ ಕಾಯಬೇಕು

ನಾಯಿಮರಿ ಕಳ್ಳ ಬಂದರೇನು ಮಾಡುವೆ
ಕ್ವೊಂ ಕ್ವೊಂ ಬೌ ಎಂದು ಕೂಗಿ ಪಾಡುವೆ

ಜಾಣಮರಿ ತಾಳು ಹೋಗಿ ತಿಂಡಿ ತರುವೆನು
ತಾ ನಿನ್ನ ಮನೆಯ ನಾನು ಕಾಯುತಿರುವೆನು